Search This Blog

Thursday, February 22, 2007

Nishan

chalte-chalte...
main us mod par aa gaya
jahan naye shahar ki
sarhad shuru hoti thi

Palat kar dekha..
badi ummeed se-
aakhiri baar!
Tumhe na aana tha...
na tum aaye.

Roz ki tarah
chaand ka tukda
nigal liya
aankhon se..
aur
phir chal diya

Aaj
Saikdon saalon ki
tanhai ke baad
apni khidki par khada
yeh sochta hoon-

Zindagi ab tak nahin aayee
Maine kadmon ke nishan to chhode the!

Saturday, February 10, 2007

Aaj Dekha to....


ek gulaab jo tune diya tha...
sambhal kar kaante utaare the...
ek kaanta phir bhi rah gaya tha...

aaj
woh phool sookh gaya..
kaanta magar woh ab bhi chubh jata hai..

kabhi jab dekhta hoon
woh phool main!!